د وسله والو طالبانو برید کې د زابل ولایت خبریالانو مرکز ته ډیر زیان رسېدلی

د وسله والو طالبانو برید کې د زابل ولایت خبریالانو مرکز ته ډیر زیان رسېدلی

۵ غبرګولی ۱۳۹۴

قلات: د زابل ولایت خبریالان مرکز تېره ورځ د طالبانو په حمله کې زیانمن شوی او ډیره برخه وسایل یې له منځه تللي.

زابل ولایت کې د افغانستان خبریالانو مرکز مشر احمد ولي سرحدي وایي، د ولایتي شورا دفتر باندې د تېرې ورځې حمله کې چې د خبریالانو دې مرکز ته نېږدې ده زیات مالي زیان لیدلی دی.

د زابل ولایتي شورا په دفتر حمله د موټر بم ځانمرګي برید په وسیله وه شوه، د څلورو ښځو په ګډون ۷۰ تنه چې زیاتره یې ملکي وګړي دي ټپیان شوي دي او د ولایتي شورا دفتر سربېره نیږدې سیمو کې د استوګنې ودانیو ته هم زیان رسېدلی دی.

طالبانو د دې برید مسوولیت منلی دی.

سرحدي زیاته کړې له نېکه مرغه د دې پېښې د ترسره کېدو په وخت کې یو خبریال هم په دې دفتر کې شتون نه درلود.